NEREA BLANCO, EMBAIXADORA DO LIBRO "EL PALACIO DE LA MEDIANOCHE"

A verdade é que conmoveume moito esta obra de Ruiz Zafón. A intriga que segrega crea dependencia e nerviosismo; ás veces tanto que un desexa que o autor deixe de describir a situación para saber que é o que ocorre de seguido. Outra das grandes virtudes deste escritor que apreciei nesta obra é precisamente a cantidade de detalles cos que dota cada ambiente, de tal xeito que fai que imaxinemos todo dunha maneira tan doada que parece que estemos vendo un film.
Sen dúbida, recomendaríao a quen estea namorado do misterio que pode crear calquer historia do pasado. É moi interesante comprobar como a vida pon a cada persoa no lugar onde lle corresponde, xunto cos seus seres queridos, a pasar de todo o que sucedeu na historia da súa familia.

TÍTULOS DO CLUB DE LECTURA PARA O SEGUNDO TRIMESTRE

1º CICLO ESO

2º CICLO ESO

BACHARELATO

PROFESORES

AS MALETAS DO LECER PARTIRON HACIA O SEU DESTINO!!!

Hoxe o Club de Lectura entregou ós alumnos de Primeiro da ESO e de Bacharelato que o solicitaron a maleta do lecer!!
Estas maletas van cheas de momentos de lecer adicados á lectura de libros e tebeos, ó visionado de películas e á escoita de boa música.
Si non pediches unha faino xa porque despois do Nadal volven ó centro para cambiar de mans!!!

REUNIÓN DOS ALUMNOS DE BACHARELATO DO CLUB DE LECTURA

Os alumnos de Bacharelato do club de lectura reuníronse o luns 19 para comentar o libro do trimestre "La cena" cos seus profesores Ángeles e Adolfo.
Foi unha reunión moi divertida na que ata houbo merenda!

OS EMBAIXADORES DE LIBROS DESÉXANVOS UN BO NADAL!!!

Este Nadal os embaixadores de libros do Club de Lectura da Laboral deséxanvos unhas Felices Festas dende a entrada do instituto e convídanvos a aproveitar as vacacións para ler un bo libro.
Fixádevos nas súas recomendacións porque son moi interesantes...
BO NADAL A TODOS E TODAS!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

REUNIÓN DOS ALUMNOS DO CLUB DE LECTURA DO PRIMEIRO CICLO DA ESO

O mércores 7 de decembro no segundo recreo reunímonos os membros do club do primeiro ciclo da ESO para intercambiar impresións sobre o libro do primeiro trimestre: Querido hijo, estás despedido.
A reunión fíxose curta...
Esperamos con ganas a seguinte!

DECEMBRO É O MES ADICADO ÁS CIENCIAS DA NATUREZA NO CLUB DE LECTURA

Este mes está adicado ás Ciencias da Natureza!!!
Tedes na vitrina da entrada do centro, moi ben decorada polos membros do departamento de ciencias, uns libros moi interesantes sobre diferentes aspectos desta asignatura.
Xa sabedes que o sistema para coller os libros segue sendo o mesmo: hai que pedilos na biblioteca ou a algún dos profesores encargados do club.
Un saúdo e a disfrutar da natureza!!!!