Mañá no 2º recreo, xunto ó taboleiro dos avisos que hai na recepción, sacamos a foto de todos os membros do club

Pero xa podedes vernos aquí a algúns de nós en plena faena o venres pasado.

Non o esquezades!

Hoxe, no 2º recreo, na biblioteca, o grupo de lectores de 1º a 3º de ESO, ten a xuntanza para falar de A mansión dos Pampín. Acordádevos de vir e traer os libros para devolvelos.

O profesorado e persoal non docente interesado en participar na primeira lectura, pode poñerse en contacto con algunha das dúas coordinadoras para establecer a quenda de préstamo dos exemplares de Maus, que chegan hoxe ó centro, grazas á xenerosidade da Biblioteca de Redondela.
O alumnado que queira ler esta obra, tamén pode solicitar un exemplar.

Hoxe, no segundo recreo, terá lugar a presentación oficial do blogue do Club de Lectura,  na bilioteca. Aproveitade e facede os vosos comentarios.

Lectura para o grupo de adultos

Para os maiores deste club de lectura, escolleuse como primeira obra, Maus, unha interesante combinación de imaxes e texto para contar unha historia difícil, que gañou un premio Pulitzer en 1992. 

O autor, Art Spiegelman, reproduce nel moitos elementos autobiográficos, pois en realidade novela a vida dos seu pai, un supervivinte de Auschwitz.

Primeiras lecturas

O martes, no primeiro e segundo recreo, na biblioteca, vanse repartir os primeiros libros para esta xeira: De profundis, para o grupo de maiores, e A mansión dos Pampín, para os máis novos. Nas dúas obras, o autor, Miguelanxo Prado conxuga as imaxes e as palabras para relatar unha historia, aínda que o formato  resulta moi diferente nos dous casos.

Este artista ten unha páxina web onde podedes atopar máis información sobre o seu traballo e moitísimas das súas creacións gráficas (http://www.miguelanxoprado.com/). Agora mesmo está poñendo imaxes a un relato de Torrente Ballester, "El cuento de la sirena".

Primeiras xuntanzas

O vindeiro venres, día 5, na biblioteca, hai unha reunión informativa sobre o funcionamento desta actividade, en dúas convocatorias: ás 10:10 para o alumnado de 1º, 2º e 3º de ESO e ás 12:10 para o alumnado de 4º de ESO e BAC. Non esquezades vir!
O profesorado e outros colaboradores non docentes temos a primeira xuntanza, tamén con carácter informativo, o luns 8 de novembro, na sala de titorías, ás 10:10.
Por certo, se queredes acceder a máis información e imaxes sobre a actividade de Menassa, podedes visitar El blog maravilloso.